Esempio di lezioni di ascolto - colloquiale siriano (al-ammiya al suriyya)

- أخي المسألة ما بدها شطارة، الكاس للألمان إن قلتو اي وإن قلتو لأ  - والله اللي بيشوفك متحمّس كل هالقد بيقول فيك عرق ألماني من ناحية جدودك  - شو عم تمزح انت ! ما بتعرف ، بيجوز يطلع الأخ بيرهوف قرايبه هههههه - هلق لا حدا يقعد يتمسخر على بيرهوف، خليكن مهذبين أنا ما بسمح لكن أبدا ً هه - لأا سيدي بدّك تسمح لنا ، وحاج تحتدّ، بكرة ألمانيا بتنقلع برّا و بتقلب حضرتك بيناتنا قدّ الصوص - لا والله ماحزرت يا حبيبي، البرازيل اللي بدها تطلع مو ألمانيا - طالما رونالدو موجود فالكاس للبرازيل - دخيلك،دخيلك انت و رونالدو تبعك،على فكرة هادا أكبر كم بتاكله البرازيل، ضل الإعلام ينفخ ينفخ فيه حتى ساواه هيك قدّ البالون و كبّر له راسه عالفاضي،لأ والكاميرات لاحقته بالملعب عالدعسة وكأنه شي قدّيس هيك عم يتفتّل بالملعب،ومو بس هيك،لحقو لي خطيبته عالمدرّجات ، وصارو يصمدو لي ياها عالشاشة مع إنها أغلظ منه ، على كل حال بسيطة ،لنشوفها شو رح تساوي بكرة وقت فسسسسست.. رح ينفس خطيبها و يطلع لبرّا. - صدّقني ما رح ينفس، عالقليلة رونالدو أغلى لاعب بالعالم و دافعين فيه تلاتين مليون دولار، دخلك: بيرهوف الألماني تبعك قدّيش بيطلع حقه ؟