Example of listening lessons – Colloquial Syrian (al-ammiya al suriyya)

– هادا الحقير الواطي ، الكلب ، الممسحة ، الحيوان ، كان يلحقك و أنتِ راجعة من المدرسة شي ؟
– لأ – العمى بعيونه ما أوسخه !! – ليش ؟ كان بدك ياه يلحقني و أنا راجعة من المدرسة ؟
– طالما ما كان عم يلحقك ، معناها أكيد كان عم يتلصص عليكي
– و شو عرّفك إنه كان عم يتلصص علي ّ ؟
– شو عرّفني !؟ شو عرّفني.. كيف بده يحبك إذا ما كان شايفك ، اه ؟
– شافني بالشارع ، قلتلك – معناها كان لاحقك
– ماكان لاحقني ، أنا كنت رايحة وهو كان فايت عالبناية – لوين كنتِ رايحة ؟
– لعند رفيقتي – مين هي رفيقتك ؟ بعرفها ؟ كانت بالعرس تبعنا شي ؟ – اي اي اي ، سحر
– سحر ! سمعان باسمها …هي عندها تلت 3 إخوات شباب ، مزبوط ؟ – مزبوط

– طيب ماحدا من إخواتها الشباب مثلا ، مثلا يعني حاول يستغل علاقتك معها لأغراض شخصية ؟
– كلياتهن متجوزين و عايشين برات البيت ، لا شافوني و لا شفتهن
– عادي ، عادي ، وإذا شفتيهن و شافوكي ، شو هالشغلة الفظيعة ! أوبن مايند أنا أوبن مايند ، فري أنا فري
– واضح ، واضح كتير ، عادي ، بس ما شافوني و لا شفتهن